Link açıqlığı

Qırım separatistleriniñ yolbaşçısı Moskvadan köylerge para soradı


Qırım köyleri ardı-sıra modernizatsiya ve maliye programmalarına muhtac.

Bunı öz başına ilân etilgen Qırım ükümetiniñ matbuat hızmeti Qırım «baş naziri» Sergey Aksönovğa esaslanıp bildire.

Aksönovnıñ aytqanına köre, Qırım köylerinde gaz ve suv olmaq kerek.

«Qırımda yalıñız er üçünci mesken yerde gaz bar. Yarımadada işlep çıqarılğan gaz bütün yarımadanı gaznen temin etmege imkân bere. Suv temini olğan yerlerde suv ağlarınıñ yarısından ziyadesi qazaiy aldadır. Köyler ardı-sıra modernizatsiya ve maliye programmalarına muhtac», – dep bildire o.

Nazirler şurasınıñ malümatına köre, yarımadada 947 köy meskün yeri ve 243 köy şurası bar. Köylerde cumhuriyetniñ 37% yaşay. Köy hocalıq topraqlarınıñ umumiy meydanı 1,8 million gektarnı teşkil ete. Olardan köy hocalıq topraqları aman-aman yarısı – 49 % teşkil ete.
XS
SM
MD
LG