Link açıqlığı

AQŞ Rusiyeni cezalar ciddiy olacağında tenbiyeledi


Moskva Jeneva körüşüviniñ neticelerine riayet etmese, ciddiy ceza alacaq. Bunı cuma künü AQŞ prezidentiniñ milliy havfsızlıq boyunca mesleatçısı Susan Rice bildirdi, dep haber ete Reuters agentligi. Onıñ aytqanına köre, bu cezalar Rusiye iqtisadiyatınıñ müim sektorlarına tesir etmesi mümkün. Rice dedi ki, Vaşington Rusiye tarafından şartlarına riayet etüvni diqqatnen nezaret etecek.

Jenevadaki dört taraflı muzakereler neticesinde Ukrainada qanunsız silâlı birleşmeler dağıtılması ve memleketniñ merkeziy akimiyetine qarşı çıqqanlar tarafından zapt etilgen memuriy binalarnı boşatuv aqqında añlaşqan ediler.

Muzakerelerde Ukraina, Rusiye, AQŞ ve Avropa Birliginiñ vekilleri iştirak ettiler.

Cuma künü memleketniñ şarqında bir sıra ukrain şeerlerinde memuriy binalarnı zapt etken Rusiye tarafdarları Jeneva añlaşmalarına riayet etmeyceklerini bildirdiler.
XS
SM
MD
LG