Link açıqlığı

Qırımda futbol mühlislerini tuttılar


Qırımda «Dnepr» futbol klubınıñ 3 mühlisini yaqaladılar. Olar taqımğa qol tutmaq içün Aqmescitte olıp keçken matçına yol alğan ediler.

Olğan malümatqa köre, Qırım uquq qorçalayıcı organlar adamlarnı radikal gruppalarğa ait olğanlarında qabaatlap, cumaertesi künü olıp keçken matç vaqtında yaqaladılar. Mühlislerniñ malümatlarına binayen, olardan Ukraina pasportlarını aldılar, cep telefonlarını ise qullamağa imkân bermey ediler.

Bu vaqia aqqında malümatnı «Dnepr» futbol klubında tasdıqladılar. Faqat anda meseleniñ endi çezilgenini qayd ettiler. Mühlislerni yolladılar, şimdi taqım ve «Dnepr» mühlisleri evge qatalar.

Cuma künü «Dnepr» oyuncıları «Tavriya» taqımı ile matçını keçirmek içün Qırımğa yol alğan ediler. Komandağa qol tutmaq içün, «Dnepr» mühlisleri de Qırımğa kettiler.

Bundan bir qaç kün evel mühlisler olarnı Ukraina birinci ligasınıñ yolbaşçılığınıñ ozğaruvına israr ete ediler. Lâkin olar yarımadada mühlisleriniñ hafsızlığını kimse kefil etip olamaycağını qayd ettiler.
XS
SM
MD
LG