Qırımtatarlar yarımadada özlerini «Qırım imayesi» ve «kazaklar» dep adlandırğan insanlarınıñ areketlerinden sebep kendi taqdirini qasevet eteler.
Bunı New-Yorkta mart 31 künü keçirilgen BMT Havfsızlaq Şurasınıñ toplaşuvında qırımtatar halqınıñ lideri Mustafa Cemilev ilân etti, bunı Meclisniñ matbuat-hızmeti bildire.
Ayırıca, onıñ aytqanına köre, böyle «patrul»ler qırımtatar halqınıñ tekrar sürgün etilüvi aqqında laf yürseteler.
«İnsanlarda öz kelecegi ve ayatı içün telâş ve qorqu seviyesi pek yüksektir, çünki akimiyet tarafından teşkil etilgen ve öz-özlerini «Qırım imayesi» ve «kazaklar» dap adlandırğan silâlı gruppalar açıqtan-açıq qırımtatar halqınıñ tekrar sürgün etilmesi kerek olğanı aqqında laf yürseteler. Yaqında Qırımda yüz bere bilecek milletlerara ziddiyetleriniñ, şu cümlede qırımtatarlarınıñ ve etnik ukrainleriniñ qırğınnıñ imkâniyeti pek büyüktir», – dey Cemilev.
O «toplu olaraq yaşağan qırımtatarlarınıñ evlerine haç ve diger işaretleriniñ çezilmesi» aqqında da aytıp keçti.
«Qırımda işğal rejimine bir de bir şekilde qarşılıq köstergen insanlarını dögmege, esirlikke almağa, öldürmege – bu er şey bugün endi tabiiy bir al olğandır. Bundan da ğayrı, rusiye vatandaşı olğanlarda öz toprağınıñ statusını deñiştirmek ya da referendumnı keçirmege artıq imkânı olmaz, çünki Rusiye Cinaiy kodeksiniñ 280-nci maddesine baqqanda, bu mevzuda muzakereler separatizmniñ teşviqatı kibi sayıla ve böyle insanlar 5 yılğa apske alına bile», – dep aytıla beyanatta.
Qırımtatarlarınıñ lideri şunı da qayd etti ki, yuqarıda añılğan sebeplerlen qırımtatar halqınıñ vekilleri yarımadadan keteler.
Ukrainada BMT qaçaqlar işleri boyunca Yuqarı komissariatınıñ bergen malümatına köre, Qırımdan endi 5 biñge yaqın qırımtatarı ve diger milletleriniñ vekilleri çıqıp ketkendir, dey Cemilev.
Bunı New-Yorkta mart 31 künü keçirilgen BMT Havfsızlaq Şurasınıñ toplaşuvında qırımtatar halqınıñ lideri Mustafa Cemilev ilân etti, bunı Meclisniñ matbuat-hızmeti bildire.
Ayırıca, onıñ aytqanına köre, böyle «patrul»ler qırımtatar halqınıñ tekrar sürgün etilüvi aqqında laf yürseteler.
«İnsanlarda öz kelecegi ve ayatı içün telâş ve qorqu seviyesi pek yüksektir, çünki akimiyet tarafından teşkil etilgen ve öz-özlerini «Qırım imayesi» ve «kazaklar» dap adlandırğan silâlı gruppalar açıqtan-açıq qırımtatar halqınıñ tekrar sürgün etilmesi kerek olğanı aqqında laf yürseteler. Yaqında Qırımda yüz bere bilecek milletlerara ziddiyetleriniñ, şu cümlede qırımtatarlarınıñ ve etnik ukrainleriniñ qırğınnıñ imkâniyeti pek büyüktir», – dey Cemilev.
O «toplu olaraq yaşağan qırımtatarlarınıñ evlerine haç ve diger işaretleriniñ çezilmesi» aqqında da aytıp keçti.
«Qırımda işğal rejimine bir de bir şekilde qarşılıq köstergen insanlarını dögmege, esirlikke almağa, öldürmege – bu er şey bugün endi tabiiy bir al olğandır. Bundan da ğayrı, rusiye vatandaşı olğanlarda öz toprağınıñ statusını deñiştirmek ya da referendumnı keçirmege artıq imkânı olmaz, çünki Rusiye Cinaiy kodeksiniñ 280-nci maddesine baqqanda, bu mevzuda muzakereler separatizmniñ teşviqatı kibi sayıla ve böyle insanlar 5 yılğa apske alına bile», – dep aytıla beyanatta.
Qırımtatarlarınıñ lideri şunı da qayd etti ki, yuqarıda añılğan sebeplerlen qırımtatar halqınıñ vekilleri yarımadadan keteler.
Ukrainada BMT qaçaqlar işleri boyunca Yuqarı komissariatınıñ bergen malümatına köre, Qırımdan endi 5 biñge yaqın qırımtatarı ve diger milletleriniñ vekilleri çıqıp ketkendir, dey Cemilev.
