Link açıqlığı

Qırımdan daa eki arbiy esirni azat ettiler – matbuat vastaları


Esirlikten eki ukrain zabiti azat olundı – kapitan Оleksanlr Fillipov ve podpolkovnik Оleksandr Kalyan. Ukrainanıñ qıtaviy qısımına daa bir qaç Ukrain arbiy hızmetçisi köçip ketti, haber ete «5 kanal».
Digerleri umumiy avuşuv aqqında emir bekley. Kapitan Vyaçeslav Demyanenkonıñ taqdiri ise alâ daa belgisiz qala.

«Qırımnıñ şimalindeki sıñırlarında mütehassıslar, teşkiliy gruppalarınıñ vekilleri çalışalar. Olar Qırımnı terk etken ve Ukraina qıtasına yol alğan arbiylerniñ kolonanı qarşılamağa azırlar», – qayd etti Ukraina mudaafa Nazirliginiñ Qırımdaki matbuat-hızmetiniñ reberi Vladislav Seleznöv.

O, Filippovnıñ anasınen qonuşqanını da aytıp keçti.

«Оleksandr Ukrainanıñ qıtaviy qısımındadır, Hersonğa taba yol ala. Onıñnen birliket büyük topraqqa kapitan Savenko, baş starşina Atoyan ve baş starşina Hmel köçip ketkenler. Оleksandr Kalyan al-azırda Plodovoye köyündeki arbiy qısımında buluna. 2-nci rang kapitanı Vyaçeslav Demyanenkonıñ taqdiri şimdi belli degil, o kimsenen bağlanmadı, bulunğan yeri de malüm degil», – dedi Seleznöv.

Bundan evel Qırım esirliginden Ukraina Silâlı küvetleriniñ Belbekteki taktik aviatsiyasınıñ 204-nci brigadasınıñ komandanı Yuliy Mamçurnı ve diger arbiy esirlerini azat ettiler.
XS
SM
MD
LG