Qırımda Yedi Quyu rayonında çekiştirilip Şimaliy Qırım kanalında boğulğan qıznıñ babasına qarşı tahqiqat yekünlendi. Babasına qarşı dava, "onıñ telükede qaldırılması içün (Rusiye CK-niñ 125-inci maddesi)" açıldı ve şimdi mahkemege yollanıldı.
Bunı Rusiye Tahqiqat komitetiniñ matbuat hızmeti bildirdi.
"Qızçıqnıñ babası, balasını telükede qaldırğanı icün qabaatını tanıdı, şaatlıq etti. Şimdilik babasınıñ qabaatını isbatlağan deliller toplanıldı. tahqiqat işleri bitti, dava ise temelinden baqılmaq içün mahkemege yollanıldı", - denile beyanatta.
Müessisede, balağa qarşı cinayetlernen bağlı cinaiy davanıñ tahqiqatı devam etkenini bildirdiler.
Qırım boyunca Rusiye FCN-niñ idaresi, saat 00:40-ta Yedi Quyu qasabasında Şimaliy Qırım kanalı yanında 2014 senesi doğma bala ğayıp olğanı aqqında haber alğanlarını bildirdi. Keççe balanıñ cesedini babası dostlarınen raatlanğan yerniñ yanında taptılar.
