Link açıqlığı

Saatnıñ esas haberi

Qırımda ğayıp olğan balanıñ cesedini suvda taptılar - Tahqiqat komiteti


Tünevin ğayıp olğan altı yaşındaki qızçıqnıñ cesedini suvda, babası dostlarınen raatlanğan yerniñ yanında, taptılar, bildire Qırım ve Aqyar boyunca Rusiyr Tahqiqat komiteti idaresiniñ matbuat hızmeti.

"Qıdıruv işleriniñ vaqtında, büyükler alkogol içken yerniñ yanında qızçıqnıñ cesedi tapıldı. Şimdi tahqiqatçılar ve kriminalistler balanıñ cesedi tapılğan yerni teşkere", - denile beyanatta.

Daa evel Qırım boyunca Rusiye FCN-niñ idaresi, saat 00:40-ta Yedi Quyu qasabasında Şimaliy Qırım kanalı yanında 2014 senesi doğma bala ğayıp olğanı aqqında haber alğanlarını bildirdi.

Qomşu Rusiyeniñ Tahqiqat komitetiniñ başı Aleksandr Bastırkin, qızçıqnıñ ğayıp oluvını tahqiq etmek içün ilhaq etilgen Qırımğa Rusiye kriminalistlerini yolladı. Tahqiqat komiteti, "genç şahısnıñ öldürüvi" maddesi boyunca davanı tahqiq etkenlerini qayd ettiler.

XS
SM
MD
LG