Qırımda iyün 17, 18 ve 19-ında bazı yerlerde küçlü sağanaqlar, furtuna, 20-25 m/s yel beklenile. Bunı Rusiye FVN-niñ Qırım idaresi bildirdi.
Qurtarıcılar, bu şaraitte fevqulâde vaziyetlerniñ olmasınıñ ihtimalı büyük dep ihtar etti.
Tünevin Aqmescitte afatlı yağmur yağdı, şeerniñ bir qısmı suvda battı.
Daa evel Rusiye FVN-niñ Qırım idaresiniñ matbuat hızmeti bildirgeni kibi, Qırımda yüksek yanğın telükesini iyün 18-inece uzattılar.
