Rusiye nezaretindeki Canköy rayon mahkemesi avgust 15-inde balalarnı basqan aydavcını apis etti. Balalardan birisi yol qazasında vefat etti.
Bunı Qırım ve Aqyar boyunca rusiyeli Tahqiqat komitetiniñ matbuat hızmeti bildire.
"Maşna aydavcısı tutuldı, qabaatlandı, qabaatını tanıdı ve itiraf etti. Bugün Canköy rayon mahkemesi Baş tahqiqat idaresiniñ tahqiqatçısınıñ muracaatını baqtı ve onı qabul etti, qabaatlanğan şahısqa qarşı apis cezasını sayladı", - denile beyanatta, amma apis müddeti belgilenmey.
Müessiseniñ malümatına köre, 34 yaşındaki aqay sarğoş olıp maşnanı aydadı. O idareni baş etip olamadı ve mesken ev yanında çalışqan balalarnı bastı.
Avgust 6-sında aqşam Nasipköy (Nasıpnoye) yanında eki maşna - Kamaz ve Renault çatıştı. Qazada bir adam elâk oldı, eki adam yaralandı.
