Qırımtatar Milliy Meclis reisi Refat Çubarov, Ukraina prezident saylavlarında Meclis qoltutqan namzet - Petro Poroşenko içün rey berdi. Bu aqta o öz Facebook saifesinde yazdı.
“Qırımtatar Milliy Meclisi tevsiye etken namzet içün rey berdim. İşanam ki, Rusiye işğalcileri Qırım ve Donbasstan quvalanır. Bunıñ oğrunda ep çalışmaqtamız”, - yazdı Çubarov.
Martnıñ 31-inde Ukrainada prezident saylavları keçe. Bu yer içün 39 namzet küreşe. Saylav bölükleri öz işini saat 8:00-da başladı ve 20:00-ğace çalışacaq. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
