Link açıqlığı

Saatnıñ esas haberi

Çubarov: "Rusiye, siyasiy mabüslerniñ azat etilmesi aqqında muzakereler olğanda, Qırım mevzusını kestirmege tırışa"


Refat Çubarov
Refat Çubarov

Rusiye, "ukrain siyasiy mabüsleriniñ azat etilmesi aqqında muzakereler etilgende", ilhaq etilgen Qırım mavzusınen bağlı bütün laflarnı kestirmege tırışa. Bunı sentâbr 7-sinde öz Facebook saifesinde Qırımtatar Milliy Meclisniñ reisi Refat Çubarov ifade etti.

"Şimdi ne olğanını bilesizmi? Er türlü dialoglarda, ukrain mabüslerniñ azat etilmesi meselesi muzakere etilgende, Rusiye, Qırımnen bağlı er şeyni qattı kestire. O kestire ve, Rusiye aytqanı kibi, "onıñ" topraqlarında yaşağan ve onıñ qanunlarına köre maküm etilgen adamlarnıñ taqdirini muzakere etmege istemey, dep ayta", - dedi Çubarov.

Onıñ aytqanına köre, Ukraina içün er fırsatta Qırım ve qırımtatar halqı içün aytmağa pek müim.

"Çünki biz tek öyle etip, Qırım - bizim toprağımız olğanını, vaqtınca işğal etilgen topraqlarda yaşağan adamlar ise bizim vatandaşlarımız olğanını bildirip olurmız", - dep qoştı Meclis reisi.

Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı.

Ukraina prezidenti Volodımır Zelenskıy, qırımtatar faallerniñ Rusiye esirliginden qaytarıluvı - Ukraina-Ruisye almaşuvnıñ ekinci basamağı olacaq, dep Qırım.Aqiqat mühbiriniñ sualine cevap bergende, ayttı.

XS
SM
MD
LG