Ukraina baş naziri Volodımır Ğroysman,“Qırımnıñ Rusiye işğaline qarşı tirenüv künü”ne bağışlanğan forumda qırımlılarğa muracaat etti. O, yarımada qıta Ukrainanen birleşeceginden eminligini tarif etti. Bu aqta o, fevral 27-sinde “İşğal etilgen Qırım: tirenüvniñ 5 yılı” halqara forumında ayttı, dep haber ete Qırım.Aqiqat mühbiri.
“Şimdi birleşip olamağanımızğa efkârlanamız. Sizni qayğıramız. Evelki kibi birleşip olurmız dep arzu etemiz. Biz eminmiz ki, ukrainalı Qırım acayip, musafirçen, büyük Ukrauna devletimizniñ incisi olacaq dep eminmiz”, - dedi Ğroysman.
Fevral 26-sında Kyivde “Mıstetskıy arsenal” (“Sanat arsenalı”) Milliy medeniy-bediiy ve müzey kompleksinde “Qırımnıñ acayip ikâyeleri” bediiy sergisi açıldıю
2014 senesi şu künü Qırım Muhtar Cumhuriyetiniñ Yuqarı Şurası ögünde Ukraina topraq bütünligine qoltutuv mitingi olıp keçken edi. Miting iştirakçilerine qarşı Rusiye tarafdarı olğanlar, hususan «Rus birligi» firqası çıqtı.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.