Zelenskıy, Qırımğa kiriş ruhsetiniñ aluvını qolaylaştıracaq, dep söz berdi

Volodımır Zelenskıy

Türkiye ziyareti vaqtında Ukraina prezidenti Volodımır Zelenskıy, Rusiye ilhaq etken Qırımğa kiriş ruhsetiniñ almasını qolaylaştıracaq, dep söz berdi. Bu aqta o qırımtatr cemiyetinen körüşkende ayttı.

"Biz añlaymız ki, siz içün soy-sopuñıznıñ ve tuvğan toprağıñıznıñ ziyareti pek müimdir. Yaqın vaqıtta, Qırımğa kiriş ruhsetiniñ alınması qanun boyunca qolaylaştırılacaq", - dedi Zelenskıy.

Ukraina prezidenti Volodımır Zelenskıy, avgustnıñ 7-8-inde Türkiye Cumhuriyetini ziyaret etecegini prezidentiniñ resmiy saytında ilân etilgen edi.

Qırımatatar milliy lideri, Ukraina halq mebusı Mustafa Cemilev, avgust 7-8-inde Ukraina prezidenti Volodımır Zelenskıynıñ Türkiye Cumhuriyeti ziyaretine qoşuldı.