Maryana Draç
Amerikalı senator Bob Körner resmiy Vaşingtonnı Rusiyege qarşı sektorlı iqtisadiy sanktsiyalarnı kirsetmege çağıra. Bunıñ aqqında o çarşenbe künü Kiyevde ötkerilgen matbuat-konferentsiyası devamında bildirdi. Onıñ sözlerine binaen, şimdilik, Ğarp ukrain akimiyetine yardım etkence, Rusiye onı daa çoq devirmege istegeni körünip tura. Cumhuriyetçi-senator Bob Corker azatlıq Radiosına aytqan fikiriniñ manasını añlattı.
–Rusiyeniñ bu devlette areketlerine Ğarb keregi kibi daa cevap bermedi. Rusiye yapqan er türlü adımı içün cevap berecegini añlamağance, Ukrainanıñ şarqındaki kerginlik devam etecek. Men ümüt etem ki, eñ yaqın vaqıtta, vaziyet deñişir.
– Sizniñ teşebbüsiñiznen Ukrainağa Amerika tarafından ayırılğan milliard dollarnıñ taqdiri ne olacaq?
– Bu memleketniñ maliye cietinden büyük problemleri bar. Olarnı çezmek içün kerekli islâatlarnı keçirmeli, mında Halqara Valüta Fondu (İMF) büyük rol oynay. Em de Avropa Birligi kendi yardımını teklif etti.
Siz qayd etkeniñiz kibi, men memnüniyet ile, bu devletke yardım kösterilecegi aqqında qanun leyhasınıñ müelliflerinden biri oldım. Bu qol tutuv işareti, men quvana-quvana bu işni yaptım. Amma, yardım ile birlikte, tıştan devletni qarıştırğan Rusiyege qarşılıq kösterilmeli. Zanımca, memleketniñ inkişafı içün eki usulnı qullanmaq kerek.
– Siz ukrain akimiyetini Rusiye ile munasebetlerde özüni qolda tutqanı içün maqtaysızñız. Amma, Ukrainada çoq insanlar Ukraina Qırımsız qalğanı ve devletniñ şarqındaki kerginlik içün akimiyetni teñqid ete. Sizniñ fikiriñiz nege esaslana?
– Menimce, akimiyet vekilleri Rusiyeni toqtatıp olmağanları içün vatandaşları olarnı teñqid etkenlerini yahşı añlaydırlar.Kerçek aytsam, Rusiye bunı yapacaq kibi olsa, Ğarb ta cevap bermese, onı küçlü iradeli ukrain ordusı bile onı toqtatamaz. Olarnıñ ne qaynaqları, ne de kadrları bar.
Belki Rusiye, Ukrainanıñ öyle bir areket etkenini istey ki, bütün dünya tamam o problema çıqarğanını bellegenini isteydir. Men bellesem, ukrain akimiyeti sabırlı olğanını kösterdi. 2008 senesi Gürcistanda olğan vaqialar ders olıp qaldı, onıñ içün ukrainli akimiyet vaziyetni añlap ,keregi kibi areket ete.
Amerikalı senator Bob Körner resmiy Vaşingtonnı Rusiyege qarşı sektorlı iqtisadiy sanktsiyalarnı kirsetmege çağıra. Bunıñ aqqında o çarşenbe künü Kiyevde ötkerilgen matbuat-konferentsiyası devamında bildirdi. Onıñ sözlerine binaen, şimdilik, Ğarp ukrain akimiyetine yardım etkence, Rusiye onı daa çoq devirmege istegeni körünip tura. Cumhuriyetçi-senator Bob Corker azatlıq Radiosına aytqan fikiriniñ manasını añlattı.
–Rusiyeniñ bu devlette areketlerine Ğarb keregi kibi daa cevap bermedi. Rusiye yapqan er türlü adımı içün cevap berecegini añlamağance, Ukrainanıñ şarqındaki kerginlik devam etecek. Men ümüt etem ki, eñ yaqın vaqıtta, vaziyet deñişir.
– Sizniñ teşebbüsiñiznen Ukrainağa Amerika tarafından ayırılğan milliard dollarnıñ taqdiri ne olacaq?
– Bu memleketniñ maliye cietinden büyük problemleri bar. Olarnı çezmek içün kerekli islâatlarnı keçirmeli, mında Halqara Valüta Fondu (İMF) büyük rol oynay. Em de Avropa Birligi kendi yardımını teklif etti.
Siz qayd etkeniñiz kibi, men memnüniyet ile, bu devletke yardım kösterilecegi aqqında qanun leyhasınıñ müelliflerinden biri oldım. Bu qol tutuv işareti, men quvana-quvana bu işni yaptım. Amma, yardım ile birlikte, tıştan devletni qarıştırğan Rusiyege qarşılıq kösterilmeli. Zanımca, memleketniñ inkişafı içün eki usulnı qullanmaq kerek.
– Siz ukrain akimiyetini Rusiye ile munasebetlerde özüni qolda tutqanı içün maqtaysızñız. Amma, Ukrainada çoq insanlar Ukraina Qırımsız qalğanı ve devletniñ şarqındaki kerginlik içün akimiyetni teñqid ete. Sizniñ fikiriñiz nege esaslana?
– Menimce, akimiyet vekilleri Rusiyeni toqtatıp olmağanları içün vatandaşları olarnı teñqid etkenlerini yahşı añlaydırlar.Kerçek aytsam, Rusiye bunı yapacaq kibi olsa, Ğarb ta cevap bermese, onı küçlü iradeli ukrain ordusı bile onı toqtatamaz. Olarnıñ ne qaynaqları, ne de kadrları bar.
Belki Rusiye, Ukrainanıñ öyle bir areket etkenini istey ki, bütün dünya tamam o problema çıqarğanını bellegenini isteydir. Men bellesem, ukrain akimiyeti sabırlı olğanını kösterdi. 2008 senesi Gürcistanda olğan vaqialar ders olıp qaldı, onıñ içün ukrainli akimiyet vaziyetni añlap ,keregi kibi areket ete.