Türk yazıcısı Cınğız Dağcı | Tugra (video)

Cınğız Dağcı - qırımtatar asıllı türk yazıcısı. Qırımtatar oquyıcı onıñ eserlerini alâ daa qolay tapamaz. İlk romanlarından birisini - "Qorqunçlı yıllar"nı o qırımtatarca yazdı, amma qırımatatar tilinde onı kimse bastırmaycağını añlap, türk tiline tercime etmege mecbur oldı. Cınğız Dağcı martnıñ 9-ında Ğurzufta doğdı, amma bütün balalığını Qızıltaşta keçirdi. Onıñ babası berber olıp çalıştı ve onıñ öz berberhanesi bar edi. 1931 yılda babası apis etilgeninden soñ, Dağcınıñ qorantası Aqmescitke köçmege mecbur oldı. Cenk başlağanınen onı orduğa aldılar ve o nemselerge esir olıp tüşti. 1945 senesi o Poloniyada Regina-Barbara Kleşkonen evlendi ve apayınen beraber Londrağa köçti. Cenğız Dağcı 2011 senesi vefat etti, ve tuvğan Qırımını öyle de bir daa körmedi. Amma meşur yazacınıñ vasiyetine köre, onıñ cesedini tuvğan Qızıltaşından defn ettiler.