Sentâbr 12-sinde, cumaaqşamı künü, saat 13:20 Sudaq yanında Ay Savva vadiysinde quru ot yanıp başladı. Yanğınnı sentâbr 13-üniñ sabasınace söndüre ediler.
Bunı Rusiye FVN-niñ Qırım idaresiniñ matbuat hızmeti bildirmekte.
"Dağ-orman fondunıñ topraqlarında quru ösümlik yanıp başladı. Yanğın mıntaqası - 2 gektar. Qazağa oğrağanlar yoq", – denile beyanatta.
Avgustnıñ soñunda Sudaqta keçken "Tavrida-ART" rusiye festivaliniñ qapaluvında yanğın çıqtı. Tedbir teşkilcileri bildirgenine köre, festival meydançığı yanında quru ot yanıp başladı, yanğın sebebi ise fişenk edi.
Sudaqta avgust 20-sinde quru ösümlikniñ yanğını söndürildi. Ateş, 0,7 gektarnı qaplap aldı.