Bugün saba Rusiye uquq qoruyıcıları tintüv keçirgen qırımtatar faali Server Bariyevni alıp ketti. Bu aqta «Qırım birdemligi» cemaat birleşmesi haber etti.
«Onı evden çıqarıp, saat 9-larda gazelge mindirdiler. Bir vesiqa qaldırmadılar. İlk malümatqa köre, Aqmescitke alıp ketkenler», – dep tarif etti «Qırım birdemligi» mühbiri.
Bariyevniñ evinde keçirilgen tintüv aqqında aprelniñ 6-da saba belli oldı. Bu aqta Qırımtatar Milliy Meclisiniñ reisi Refat Çubarov haber etti.
Faalniñ evinde keçirilgen tahqiqat tedbirleriniñ resmiy sebebi daa belli degil.
Bariyev ise onı taqip eteler, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3enufiq6nhnir.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.