Saylıq, çöplük ve balıçılar: qarsız qıştan soñ Aqmescit suv anbarı (video)

Aqmescitniñ er yüksekliginden körüne ki, Çatır Dağnıñ caplarında qarlar aman-aman iridi. Amma yerli yapma gölde suv pek artmadı. 60-tan ziyade yıl evel şeerniñ cenübiy civarında qurulğan yapma gölniñ esas suv menbası, Salğır özeni, dağlarnıñ irigen suvlarından tam miqdarda ğıdalanmadı. Vaziyetni quru küz ve qarsız - desek olur - qış ağırlaştırdı. Bundan sebep gölniñ küzgüsi - ormandan onlarca metrge uzaqlaşıp - bayağı tarlaştı. Qaburçaq ve çöplüknen tolu yalılar apokaliptik manzaralarğa oşay. Patapatçılarğa ise bu deñişmeler bir quvançtır - açılğan yollarda yüksek süratta aydamaq mümkün. Qırım.Aqiqat mühbiri Aqmescit yapma gölüne barıp, onıñ yağanaqlarsız qıştan soñ alını suretke çekti.