Avgust 15-inde saba saq rayonınıñ Soqur Quyu köyünde eki maşna çatıştı, altı adam yaralandı.
Bunı Qırımnıñ rusiyeli akimiyetiniñ FVN-niñ matbuat hızmeti bildirdi.
"Kia Sportage ve Sarah Heran maşnaları arasında toquşma olğanı tayinlendi. Yol qazasınıñ neticesinde 6 adam yaralandı. Qırım qurtarıcıları Kia Sportage blok etilgen aydavcını çıqardı", - denile beyanatta.
Yol qazasınıñ sebepleri ve qabaatlısı belgilenmey.
Rusiye nezaretindeki Canköy rayon mahkemesi avgust 15-inde balalarnı basqan aydavcını apis etti. Balalardan birisi yol qazasında vefat etti. Müessiseniñ malümatına köre, 34 yaşındaki aqay sarğoş olıp maşnanı aydadı. O idareni baş etip olamadı ve mesken ev yanında çalışqan balalarnı bastı.
Avgust 6-sında aqşam Nasipköy (Nasıpnoye) yanında eki maşna - Kamaz ve Renault çatıştı. Qazada bir adam elâk oldı, eki adam yaralandı.