Sentâbr 27-sinde Rostov-na-Donu şeeriniñ Şimaliy Kavkaz okrugınıñ arbiy mahkemesiniñ oturışında Rusiye prokurorı Aleksey Aydinov, terrorcılıq propagandasında qabaatlanğan cemaat jurnalisti, bloger Nariman Memedeminovğa altı yıllıq apis cezasını istedi. Bunı Qırım.Aqiqat mühbiri bildire.
Daa evel Rostov-na-Donu şeeriniñ Şimaliy-Kavkaz okrugınıñ arbiy mahkemesi aynı şu oturışında, jurnalistler Aleksandra Yefimenko, Mihail Batrak, Seytumer Seytumerov ve Taras İbragimovnıñ sorğulamasını red etti. Olar, cemaat jurnalisti, bloger Nariman Memedeminovnıñ davası boyunca imaye şaatları kibi kösterilgen ediler.
Sentâbr 26-sında mahkeme, Memedeminovnıñ özüni de sorğuğa çekti. O, prokurornıñ suallerine cevap bermekni red etti, amma anketa malümatı aqqında mahkeme suallerine cevaplanmağa razı oldı.