Rusiyeniñ Perm devlet universitetine kerçekleştirilgen silâlı ücüm neticesinde yaralanğan 24 insandan doquzınıñ alı ağır qala, dep haber ete Azatlıq Radiosı.
Rusiye sağlıq naziri Mihail Muraşkonıñ «Rossiya-24» telekanalınıñ yayınında aytqanına köre, alı pek ağır olğan hastalar Perm ülke hastahanesinde tedaviylenecek.
Sekiz kişige ambulator tibbiy yardım kösterildi, ekisi hastahanege yatmaqtan vazgeçti.
Bazarertesi sabası uquq fakültetiniñ studenti Perm devlet milliy tedqiqat universitetiniñ korpuslarından birinde ateş açtı. Altı insan elâk oldı, 24 kişi yaralandı. Ücüm etken kişi yaqalanğanda yaralandı ve hastahanege alındı. Öldürüv aqqında cinaiy dava açıldı.