Rusiyede Moskvanıñ Lefortovo mahkemesi Rusiye akimiyeti tarafından «casuslıqta» qabaatlanğan (Rusiye Federatsiyası Ceza kodeksiniñ 276-ncı maddesi) qırımlı Leniye Umerovanıñ apis müddetini eki ayğa uzattı. Bu aqta advokat Dmitriy Dinze «İnsan aqları oğrunda» aq qorçalayıcı leyhasına ayttı.
Advokat aq qorçalayıcılarğa qayd etkenine köre, müvekkiliniñ alı bir qarar. Aynı vaqıtta davada yañı bir malümat yoq ve er şey gizli qala.
Apis müddeti 2024 senesi martnıñ 4-ne qadar uzatıldı. Qıznıñ sıñırlav tedbiri dördünci kere uzatıla.
Bıltır dekabr ayında 25 yaşındaki Leniye Umerova Kyivden Qırımğa ketmege mecbur edi, çünki babasınıñ qanseri bar. Rusiye sıñırcıları Leniye Umerovanı Gürcistan-Rusiye sıñırından keçken soñ rejim alanı qaidelerini bozğan manaçığınen tuttı.
Ağası Aziz Umerov Qırım.Aqiqatqa izaat berir eken, qardaşı üç ay devamında çetel vatandaşları merkezinde tutuldı, dep tarif etti. Amma martnıñ 13-nde mahkeme qararınen onı andan azat etip aldılar.
Your browser doesn’t support HTML5
«Bedeli ödenecek itibar». Leniye Umerovanıñ «davası»
«Advokatlarğa, tuvğanlarına telefon etmege imkân bermediler – gece yarısı onı o merkezden çıqardılar. Bundan soñ vatandaş urbada erkeklernen maşina keldi, başına çuval taqqanlar, belli olmağan yerge alıp ketkenler ve soqaqqa atqanlar», – dep tarif etti Umerov.
Aman-aman birden Leniyeni vesiqaları olmağanı içün polis patruli tuttı, dep tarif etti ağası. Rusiye mahkemesi ise onı 15 künge apiske aldı. Soñra qızğa qarşı daa eki protokol tizildi – ana-babasına telefon etmek içün qullanğan telefonını vaqtında bermegeni ve konvoy maşinasından çıqmağa razı olmağanı içün. Eki sefer de mahkeme Ukrayına vatandaşınıñ apis müddetini 15 künge uzattı.
Mayısnıñ 5-nde Moskva Lefortovo mahkemesi qırılı Leniye Umerovanı devlet hainliginde qabaatlap apiske aldı.
Qırım Muhtar Cumhuriyeti ve Aqyar prokuraturası Rusiye tarafından qırımtatarı Leniye Umerovanıñ tutulğanını tahqiq etip olamay, çünki bu cinayet Qırımda olmağan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.