2019 yılınıñ dekabr ayında başlağan yañı 2019-nCoV koronavirusı, qıta Qıtaynıñ bütün bölgelerinde tarqalğan - Tibet, yoquma adisesi qayd etilgen soñki ölge edi.
Malümatqa köre, yanvarniñ 30-ı sabasına qadar koronavirustan 170 adam öldi. 128 adam yahşı oldı, dep bildire "Nastoyaşçeye vremâ".
Çinde umumen 7711 insan hastalanğan.
Tayvan, Hong Kong ve Makaoda daa 25 adise tasdıqlandı. Diger ülkelerde virusnı 75 adamda taptılar.
Yanvarniñ 29-ında Qıtayda yañı koronavirustan 132 insan oldı, hasta olğanlarnıñ sayısı 5974-ke arttı, dep bildirile edi. Qıtay tışında koronavirus hastaları daa 15 memlekette, hususan Avstraliya, Almaniya, Vyetnam, Kanada, Malayziya, Singapur, ABD, Tailand, Frenkistan, Cenübiy Koreya ve Yaponiyada qayd etildi.
Yaqında qayd etilgen virus büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
Daa evel Monğolistan ve Qırğızistan Qıtay sıñırını qapattı, dep bildirdi. Özbekistan, Qazahistan ve Turkmenistan sıñırdaki kontrolni quvetleştirdi. Rusiye işğal etken Qırım ve Aqyarda koronavirus telükesi tarqalğanı içün tevsiyeler çıqarıldı.
Your browser doesn’t support HTML5
Опрос из Ялты: опасаются ли крымчане коронавируса? (видео)