Qırımda iyün 26-sında COVID-19 hastalığı sebebinden bir adam vefat etti, infektsiyadan ölgen adamlarnıñ sayısı 26-ğa keldi, bildire Qırım akimiyetiniñ matbuat hızmeti.
Qayd etilgenine köre, iyün 27-siniñ sabasına tibbiy nezaret altında 3584 adam bulunam olardan 2448-i - evlerinde, 267-si - hastahanelerde, 869-ı - observatorlarda.
Qırım ve Aqyar boyunca Rospotrebnadzor idaresi, bütün müddet devamında 646 COVİD-19 adisesi olğanını haber ete. Qırımnıñ tibbiy müessiselerinde 144 adam tedaviylene, 478 adam yahşı olıp hastahanelerden çıqarıldı.
İyün 26-sında Qırımda eki yañı koronavirus adisesini qayd ettiler.
Hatırlatamız, iyün 25-inde işğal etilgen Qırımda altı yañı koronavirus hastası qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.