Qırımda iyün 14-ünde furtuna ihtarı ilân etildi, dep bildire Rusiye Fevqulade Vaziyetler Nazirliginiñ Qırım idaresiniñ matbuat hızmeti.
"İyün 14-ünde Qırımda kündüzden başlap, gecegece qadar küçlü yağmur, furtuna, balaban burçaq ve 20-25 m/s yel beklenile", - denile beyanatta.
Batqan Qırım. Sağanaqlar yarımadanı qapladı (süret toplamı)
İyünniñ 7-nde Aqyarda küçlü yağmur yağdı. Şeerniñ çeşit rayonları ve soqaqlarını, şu cümleden Kazaçya buhta ve Aqyar avtovokzalını suv bastı. Sağanaq neticesinde 6 elektrik naqil hattı zarar kördi.
Aqyarnıñ şeer hızmetleri ve qurtarıcıları sağanaq aqibetlerinden sebep quvetleştirilgen rejimde çalışa.