Qırımda mayıs 16-sından başlap dört künlük yüksek yanğın ihtarı ilân etildi. Bu rusiyeli Qırım FVN nazirliginiñ saytında bildirile.
Müessise, 2020 senesi aprel 10-undan başlap yarımadada mahsus yanğın rejimi tayin etilgenini hatırlattı. Oña köre, Qırım sakinleri ve musafirleri yanğın qaidelerinden ğayrı daa qoşma talaplarğa uymalı.
Hususan, dağlarnı ziyaret etmek yasaq, ormanlarnıñ maşnalarnıñ kirmesi sıñırlanğan, ateş yaqması yasaq, bundan ğayrı hususiy azbarlarda çöplük, ot, yapraqlarnıñ yaqması yasaq.
Bu yasaqlarnıñ bozuluvı içün 2 biñden 400 bingece cömere ola bile.
Daa evel Qırımnıñ Rusiye akimiyeti yarımadada ormanlarnı ziyaretlerge qapatıp, yanğın telükesi müddetini mayısnıñ soñuna qadar uzattı.
Qırımda yaznıñ yanğın telükesi mevsiminiñ başlanğıçını aprelniñ 1-nden belgiledi.