Qırımda keçken künü 369 yañı koronavirus hastası qayd etildi, 9 hasta vefat etti. Qırımnıñ Rusiye yolbaşçısı Sergey Aksenovnıñ Facebookta bildirgenine köre, hastalarnıñ ekseriyeti tibbiy yardım içün muracaat etkende qayd etildi.
Keçken künü COVID-19 tedqiqlerini yapqan bütün laboratoriyalar 1168 insannı teşkerdi, tüzelgen 189 kişi yiberildi.
Pandemiya vaqtında Qırımda 52803 yañı koronavirus hastası qayd etildi. 45604 insan yahşı oldı, 1607 hasta COVID-19-dan vefat etti.
Qırımda rekord – bir künde 371 yaña koronavirus hastası qayd etildi.
SEE ALSO: Qırım.Aqiqat yañartılğan haber qullanımını taqdim eteQırım ve Aqyardaki Rospotrebnadzor idaresiniñ yolbaşçısı Natalya Penkovskaya bildirgenine köre, keçken afta koronavirus yuqunçından vefat sayısında antirekord qayd etildi. Qırımda esasen ind ştammı tarqala.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.