Rusiye nezaretindeki Qırım FVN-nde yarımadada ava şaraiti bozulacağını haber ete, duman ve buzlavuq olacağı aqqında ihtar ete. Müessisede süratnı azlaştımağa aydavcılarğa muracaat eteler.
"Gece ve saba yolnıñ bayağı qısımlarında buzlavuq ve klegey buz ola bile. Gruşevskiy ve Anğara boğazlarnı keçkende mıtlaq mıqayt olmaq kerek, çünki keçken yıllarnıñ tecribesi köstergeni kibi, yaramay ava şaraiti vaqtında anda çoq tıqanıqlar ve yol qazaları ola", - dep tenbiye ete müessise başı Sergey Şahov.
Yanvar 16-sında saba Aqmescit ava limanında uçıp kelüv ve ketüvler keçke qala. Online cedvelge köre, Moskova ve Soçiden kelgen 10 uçaq keçke qala, Aqmescitke Moskovağa ketken ise üç uçaq keç qala. Uçuşlarnı keç qaluvı qoyu dumannen bağlı. Üyleden soñ ava şaraiti yahşıca olacağı beklenile.
Когда на аэропорт Симферополя садится туман (фотогалерея)