Prezident Zelenskıy «Qırım platforması» aqqında: «Qırımnı evge – Ukrainağa qaytaramız»

Ukraina prezidenti Volodımır Zelenskıy

Ukraina prezidenti Volodımır Zelenskıy «Qırım platformasını» keçirüvniñ maqsadı Rusiye işğal etken Qırımnı Ukraina terkibine qaytaruv ola, dep bildirdi. Bu aqta o, avgustnıñ 2-nde Ukraina Mustaqilliginiñ 30 yılını qayd etüv programmasını taqdim etip ayttı.

«Qırımnı dünyanıñ kün tertibine evge – Ukrainağa qaytarmaq içün qaytaramız. ABD, Büyük Britaniya, Poloniya, Türkiye, Frenkistan, Almaniya, Avstraliya, Yañı Zelandiya, Cenübiy Koreya, Baltiya memleketleri ve digerleri iştirak etecegini tasdıqladı. Avropa Birliginiñ çoq memleketi olacaq. Umumen 29 memleket. Avgustnıñ 23-nde añlaşma ve niyetlerge dair beyannameni imzalaycaq memleketlerniñ büyük ve tolu olmağan cedvelidir. Ukraina Qırımnı unutacağını unutmaq kerek. Ukraina bayrağı Qırımda köterilse, Ukraina Qırım meselesini tek o vaqıt kötermeycek», – dep bildirdi Ukraina prezidenti.

Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.

Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.