Kezlev: "Obamadan" suvenir ve dülber künbatışlar (fotogalereya)
Cuma-Cami tarafından Aziz Nikolay baş kilsesiniñ manzarası
Aynı vaqıtta camide raatlanıcılarnıñ kezintisi keçirile
Şeerniñ meşur nesnelerinden birisi - tramvay
Yerli marketing. Kezlev yalısında AQŞ-nıñ 44-ünci prezidenti Barak Obamanıñ resmini körmek mümkün. Qırım işğalinden soñ Rusiyege qarşı sanktsiya kirsetken devlet başı suvenirlerge diqqat celp ete.
Raatlanıcılar ve çeşit türlü oyuncaq satıcıları yalıda
Turistler dondurma ve içimlikler nevbetinde
Küneşlenmek ve deñizde yuvunmaqnıñ aveskârları
Yaznıñ eñ qızğın vaqtında Kezlev, qurulıp bitirilmegen Valentina Tereşkova adına pekitilgen yalı kenarınen, qarşılay. Ne ise, ne turistlerni, ne de deñizde yuvunmağa istegenlerni bu qorquzmay. Tamir işlerini mında 2019 senesi bitirmege isteyler.
Esli adamlar skverde santıraç oyunını oynay
Şeerniñ daa bir hususiyeti - dülber künbatışlar