Bazarertesi künü, oktâbr 1-inde, saat 00:00-den Keriç köprüniñ yük naqliyatınıñ yürüşi içün qısmı açıla.
Bunıñ aqqında naqliyat keçiti qurulışınıñ matbuat hızmeti haber etmekte.
“Er türlü naqliyatnıñ areketi, ortaq qullanılğan federal yollarında yürüşni tertiplegen normativ-uquq temellerine köre eda etilecek”, - dep aytıla beyanatta.
Bundan ğayrı, naqliyat havfsızlığınıñ temin etüvi, 2018 senesi mayıs ayından başlap çalışqan tertipke köre, - Taman ve Keriç yalılarınıñ nezaret noqtalarında becerilecek. Nezaret, 14.09.2016 tarihından rusiye akimiyetiniñ №924 qararınıñ talaplarına köre yapılacaq.
Your browser doesn’t support HTML5
Керченский мост: как охраняют стратегический объект? (видео)
Keriç boğazı üzerindeki köpürniñ avtoyol qısmı yengil avtomobillerniñ areketi içün mayıs 16-da açıldı. Köpürniñ demiryol qısmı şimdilik qurulıp bitirilmedi.
Ukraina prezidenti Petro Poroşenko, Rusiye tarafından ilhaq etilgen Qırımda Keriç köprüniñ qanunsız qurulması Kremlniñ halqara uquqqa itibar etmegeniniñ nevbetteki şaatlığıdır, dedi.
Avropa Birligi ve AQŞ Rusiye territoriyası ile ilhaq etilgen Qırım arasında Keriç köprüniñ qısmen açılmasını sert bir şekilde tenqit etti. Ukraina tarafı Rusiye ile köpürniñ qurulması aqqında añlaşmadan 2014 senesinde – Qırım Rusiye tarafından ilhaq etilgen soñ çıqtı.