Martnıñ 17-sinden başlap Ukraina muntazam uçuşlarnı toqtata. Bunı Ukraina prezidenti Volodımır Zelesnkıy ilân etti.
"Üç künden soñ muntazam uçuşlarnı toqtatacaqmız. Bu müddette siz evge qaytmalısıñız. Obyektiv sebepler ile bunı yapıp olamağanlar, Ukraina elçiligine muracaat etmeli. Ukrain ava şirketlerinen işbirlikte olarnı muntazam olmağan uçaqlarnen evge qaytarırmız", - dedi Zelenskıy.
Ukraina prezidentiniñ aytqanına köre, bu raatlıq künlerinde mahsus uçaq İtaliya ve Sloveniya sıñrında qalğan ukrainlerni qaytarır.
"Ancaq men bütün ukrainlerni nevbetteki üç künde qaytmağa çağıram. Qaytqanlarnıñ episiniñ tibbiy teşkerüvi yapılacaq. Hastalıq alâmetleri tapılsa, olar observatsiyağa yollanılacaq", - dedi Zelenskıy.
Your browser doesn’t support HTML5
Коронавирус – мифы и факты. Все, что нужно знать (видео)
Ukrainada koronavirustan ilk ölüm qayd etildi. Bu - Jıtomir vilâyetiniñ 71 yaşındaki sakini edi.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.