Kyivde mayısnıñ 18-nde faaller 1944 senesi qırımtatar halqı genotsidiniñ 75 yılına bağışlanğan avtoyürüş keçirdi.
Bu aqta Qırım.Aqiqat mühbiri haber ete.
Faaller «Ekspotsentr Ukrainı» Milliy kompleksiniñ kirişi yanında kolonna şekillendirip, Mustaqillik Meydanına taba ketti, aqşam üstü anda genotsid qurbanlarınıñ hatırasına matem mitingi keçirile.
Avtoyürüş vaqtında faaller maşinalarına qırımtatar ve Ukraina bayraqlarını tikledi. Avtoyürüşte 50-ge yaqın maşina iştirak etti.
В Киеве проходит автопробег в честь памяти жертв геноцида крымскотатарского народа pic.twitter.com/41W2Zz9rhS
— Крым.Реалии (@krymrealii) 18 мая 2019 г.
Bu daqqaları Kyivdeki Mustaqillik meydanında Qırımtatar halqı genotsidiniñ qurbanlarını añma kününe bağışlanğan matem mitingi keçirile.
Mayısnıñ 18-de Ukraina ve dünyada 1944 senesinde qırımtatar halqınıñ Qırımdan sürgün etilmesi qurbanlarını hatırlaylar. Bu künde qırımtatarlar ile tolu birinci eşelon Orta Asiyağa yollanılğan edi. Umumen 180 biñden ziyade kişi sürgün etildi.
Şu künü qırımtatarlar halqınıñ Qırımdan sürgün etilüviniñ qurbanları hatırasına çeşit añma tedbirleri keçirile.
Ukraina Yuqarı Radasınıñ qararına binaen, mayıs 18 künü Qırımtatar halqınıñ genotsidi qurbanlarınıñ hatıra künü dep ilân etildi.