Kyivde faaller Yuqarı Rada binası ögünde qırımtatar bayrağını açtı. İstegen er kes, hususan deputatlar ve yardımcıları, Qırım sakinleri içün tileklerini yazdı, dep haber ete Qırım.Aqiqat mühbiri.
Bundan soñ bayraq Lvivge baracaq, yarın saat 10:00-da T.Şevçenko binası yanındaki meydanda açılacaq, istegenler tileklerini yazacaq, bundan soñ aynısı Odesada yapılacaq.
Bayraq Donetsk vilâyetinde tikildi ve bütün tilekler toplanğan soñ onı iyünniñ 26-nda – Qırımtatar halqınıñ milliy bayrağı kününde – Qırım ve esas Ukrainanıñ memuriy sıñırından Qırımğa uçuracaqlar.
Bayraqnı Ukraina halq deputatı İvanna Klımpuş Tsıntsadze imzaladı
Your browser doesn’t support HTML5
«Qırım serbest olmalı»: Kyivde Qırımtatar bayraq kününe nasıl azırlanalar
Qırımtatar bayraq künü
Er yıl iyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi.
Qırımtatar bayrağı üzerinde altın tamğa tasvir etilgen kök bayraqtır. Tantanalı tedbirler em Qırımda, em esas Ukrainada, em çetelde ötkerile.