İlhaq etilgen Aqyarda iyünniñ 3-üne qadar 17- adam koronavirusnen hastalandı, olardan ekisi tünevin tasdıqlandı. Bunı şeer ükümetiniñ matbuat hızmeti bildirdi.
"İyün 3-ünde saba daa eki yañı COVID-19 hastası qayd etildi. Olar hastalarnen alâqada oldı ve observatsiyada bulundılar. Tedaviylengen üç adamnı hastahaneden çıqardılar. Umumen fevralniñ başından berli Aqyarda 170 adam koronavirus infektsiyasınen hastlandı", - denile beyanatta.
139 adam yahşı olğanı ve 3 adam vefat etkeni qoşula.
Ослабление карантина в Севастополе: чем живет город (фотогалерея)
Tünevin Qırımda yedi yañı koronavirus hastası qayd etildi. Böylece, bugünge qadar Qırımda 399 koronavirus hastası qayd etildi. 29-ı çetelden keldi, 74-ü Rusiyeden kelgen ve olarnen alâqada olğan şahıslarda qayd etildi. Bütün müddet devamında 259 adam yahşı oldı, 11 COVID-19 ile hasta patsiyet vefat etti, olarnıñ üçü - koronavirusnıñ özü sebebinden.
Aqyarda COVID-19 adiseleri 168-gece arttı. 136 adam yahşı oldı, 3 adam vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.