Keriç köpründen keçken ilk 100 rusiye poyezdi 85 biñ yolcunı taşıdı, dep bildire "Qırım köprü" haber agentligi.
"Yolcu taşımasınıñ eñ yüksek sayısı yanvarniñ 3-ünde oldı: demiryol kemeri astında 2800 adam keçti. Aqyardan Sankt-Peterburgğa ketken poyezd yüzünci oldı. O Keriç boğazını yanvarniñ 19-ında saat 23:10 ötti", - denile beyanatta.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.
Your browser doesn’t support HTML5
Из Крыма в Тамань: Путин запустил поезда по Керченскому мосту (видео)
Ukraina ifratertibi naziri Vladıslav Krıkliy, Rusiye poyezdlerniñ Keriç köpründen qatnaması qanunsızdır, dep ayttı. O, "Rusiye nevbetteki sefer Ukrainanıñ territorial bütünligini ve halqara uquqnı boza", dep qayd etti.