KEFE – Bu afta eki haber meni şaşırttı, ekisi de Kefeden keldi. Er gece dronlar tüşürile, Qırım reberligi turistler iyülde kelip başlar, dep tahmin ete, Kefe akimiyeti ise bam-başqa şeynen oğraşa.
Kefe memuriyetiniñ saytında bir haber körem, artıq er bir ev saibi üstüne levha asmalı. Grin müzeyindeki kibi degil, yoq.
Kefe, 2023 senesi iyün ayı
Şeer memuriyeti yazğanı kibi yapmaq kerek: sarı tüste qaverenki boyanen ya da aksine yazmalı, amma bir levha olacaq. Levha tüsü biraz tüşündirdi... Qomşu ve tanışlarımnen laf ettim. Sögüngenlerini aytmasam, manası bu: «Çoq beklerler!» Cemaat arasında yerli deputatlardan biriniñ şirketi böyle levhalarnı azırlaydır, dep laf kete. Böyle levha sımarlamağan ve tölemegenler para cezasını alacaq. Miqdarı daa aydınlatılmadı.
Evimizni boyacaq renkni memuriyetnen muzakere etmek kerek ekenmiz
Kün keçe, ve Kefe memuriyetiniñ saytı bizni daa bir habernen quvandıra: evimizni boyacaq renkni memuriyetnen muzakere etmek kerek ekenmiz. Ve mında vaziyet daa beter, çünki tek ev degil, araba qapusı ya da garajı ne tüste olacaq baqa ekenler.
Mında da çoq tüşünce bar. Araba qapumnı beş yıldan berli boyalamadım. Vaqıt kelgendir dedim. Şişdi ise izin almasam – olmaz. Ya izin almaq içün para tölemek kerekmi? Ne oldı? Ve boyalasam, bundan evel ne tüs olğanını kim aytacaq? Memuriyet hadimleri şeerdeki bütün araba qapuları, ev ve garajlarnı baqıp, fotoresim yaptımı? Ve bir yerde «garaj-araba qapu» bazası barmı? Suallerim bar.
Böyle fasadlar memuriyetni raatsızlamay, ğaliba.
Kefe, 2023 senesi iyün ayı
Amma birisi izin almayıp, istegen renkte boyalağan olsa – baq sen! Para cezasını alsın!
Turistler de kele, ebet. Mına Moskva treni boşaldı. Mına yolcuları.
Kefe, 2023 senesi iyün ayı
Soñra yağmur suvı yanındaki plâjğa yerleşeler. Ve balaları anda yuvuna.
Kefe, 2023 senesi iyün ayı
Kimse aytmadı da – biraz suv yutsalar, mından bala infektsion hastahanesine baracaqsıñız. Bu yañı bir şey de degil, er yıl ola, soñki on beş yıl devamında.
Amma ana-babalar balalarnı Qırımğa yollamağa azır degil, ve bala lagerleri boş. Ve bir çare tapıldı: anda büyük turistler davet etecekler! Bir mesele bar, ebet: yataqlar kiçik, ayaqları tüşecek.
Aqyarda dağ kirişlerini azırlaylar – añlaysıñız da, bir yerde saqlanmağa kerek olacaq
Şimdilik ise telükesizligini tüşünmek kerek. Aqyarda dağ kirişlerini azırlaylar – añlaysıñız da, bir yerde saqlanmağa kerek olacaq.
Deñizde de yeşil bir leke köründi. Mütehassıs olmayıp izaatlamaq zor, amma turist olsam, quvanır edim.
Ve hucur bir şey: Qırımda başqalarınıñ arabalarına ölü quşlarnı baylap başladılar. İzaatlamaq zor, amma cemaat olğanlarğa açuvlana, ğaliba.
Bu haberni de aytmaq kerek. İrına Danılovıç aqlıñızdamı, yazğan edim. Köktebelde çalışqan emşire bir yıl evelsi hastahane çıqışında apiske alındı, ana-babasınıñ evinden qolları yetken er şeyni alıp çıqarğanlar. Ne içünmi? İçtimaiy ağlarda Qırımda olğanlarnen bağlı fikirlerini yazğanı içün. Dekabr ayında 7 yılğa üküm etildi. Sağlığı pek fenalaştı, ana-babası şokta. Şimdi istinaf mahkemesi olacaq.
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayınağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayına şimalinde faal olğanını toqtattı, dep bildirdi. Tezden Ukrayına akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayınağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.