Qırımnın rusiyeli başı Sergey Aksönov karantinniñ uzatılması aqqında qarar kelecek afta alınacağını bildirdi.
O qoştı ki, aynıñ soñunda qomşu Rusiyeniñ prezidenti Vladimir Putin COVID-19-nen bağlı hitapnen çıqışta bulunacaq, bundan soñ Qırımda karantin uzatılacağı ya da deñiştirilercegi aqqında qarar qabul etilecek.
"Şimdiki planğa köre, Qırımda mayısnıñ 1-inde bir sıra müessiselerniñ işi baslaycaq. Amma Vladimir Putinniñ çıqışından soñ areket planı deñiştirilecek", - dedi Aksönov.
Daa evel Qırımnıñ Rusiye baş nazir muavini Yelena Romanovskaya bildirdi ki, bugünki künde işğal etilgen Qırımda açılğan observatorlar aman-aman toldı. Şunıñ içün yarımadada observator olaraq çalışa bilecek şifahaneler cedveli tizildi.
Your browser doesn’t support HTML5
Цены на нефть и карантин в Крыму | Важное из Крыма (видео)
Umumen Qırımda 69 koronavirus hastası qayd etildi, Aqyarda – 31.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.