Bugünki künde işğal etilgen Qırımda açılğan observatorlar aman-aman toldı. Şunıñ içün yarımadada observator olaraq çalışa bilecek şifahaneler cedveli tizildi. Bu aqta Qırımnıñ Rusiye baş nazir muavini Yelena Romanovskaya aprelniñ 26-nda yañı koronavirus yuqunçı ile küreş operativ ştabında bildirdi.
«Açılğan observatorlar tolayata, şu sebepten ileride observator olaraq çalışa bilecek Qırım şifahaneleriniñ cedveli tizildi», – dep bildirdi Romanovskaya.
Romanovskayanıñ bildirgenine köre, soñki künde Qırımda tibbiy közetüv altında bulunğan insanlarnıñ sayısı arttı.
Qırımda aprelniñ 26-nda daa eki COVID-19 hastası qayd etildi. Hastalar arasında 95 yaşında qadın bar.
Umumen Qırımda 69 koronavirus hastası qayd etildi, Aqyarda – 31.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
