İranda olğan uçaq qazası sebebinde Ukrainada yanvarniñ 9-ı matem künü kibi ilân etildi. Böyle qararnı "MAU" uçqağınen bağlı meselelerni muzakere etken toplaşuvdan soñ Ukraina prezidenti Volodımır Zelenskıy imzaladı, dep haber ete Azatlıq Radiosı.
"Qazada elâk olğan adamlarnıñ hatırasını añmaq içün prezident devlet akimiyeti ve yerli özidare müessiselerinde, devlet işhaneleriniñ ve teşkilâtlarınıñ binalarında Ukraina bayraqlarını endirmege buyurdı", - denile beyanatta.
Prezident fermanınen bütün eglendirici ve kontsert tedbirleri lağu etilgi, televizion ve radio yayınlarına deñişmeler kirsetile.
Yanvarniñ 8-inde Ukraina "Boeing"i Tegeran ava limanı yanında qazağa oğradı. Uçaqnıñ köterilüvinden soñra birden olğan qazanınıñ sebebi tehnikiy problemalar oldı - ukrain "Boeing" uçağınıñ köçüricilerinden birisi yanıp başladı. Uçaqta 11 Ukraina vatandaşı oldı. Kimse sağ qalmadı. Tegeranda "Halqara Ukraina ava yolları" avia şirketiniñ Boeing 737 uçağınıñ qazasında elâk olğanlarnıñ arasında eñ çoq İran ve Canada vatandaşı edi.
Uçaqnı 2016 yılda istisal ettiler. Şirket bildirgeni kibi, o yahşı çalışa edi ve uçuşından evel yanvarniñ 6-sında teşkerilgen edi.