Türkiyeniñ İstanbul şeerinde oktâbrniñ 25-nde Eldar Ebubekirovnen vedalaştılar – qırımtatar halqınıñ lideri Mustafa Cemilev ve milliy areketniñ veteranı Safinar Cemilevanıñ büyük oğlu.
Bu aqta Facebookta “Qırımnıñ milliy eyiallığı” halqara hayriye fondu” teşkilâtınıñ reisi Lenur Mambetov bildirdi.
Eldar Ebubekirov devamlı ve ağır bir hastalıqnen küreşken soñ vefat etti. 51 yaşında edi. Bir qızı qaldı.
Cenaze namazı Marmara universitetiniñ ilâhiyat fakultetiniñ camisinde qılındı.
Eldar Ebubekirovnı soñki yolğa ozğarmaq içün tuvğanları, dostları, Türkiye akimiyeti ve qırımtatar diasporasınıñ vekilleri keldi.
Qayd etilgenine köre, 2000-lerde Ebubekirov 2003 senesinden 2008 senesine qadar Iraqta bulunğan çoq milletli koalitsiyanıñ erkânında olğan Ukrayina barıştırıcı kontingentiniñ iştirakçisi edi.