Bağçasarayda rusiyeli şeer şurasınıñ başı olaraq kene Oleg Daperko saylanıldı. Bunı şeerniñ matbuat hızmeti bildirmekte.
Bildirile ki, Bağçasaray şeer şurasınıñ birinci oturışında Qırım parlamenti reisiniñ birinci müavini Yefim Fiks, Qırım içki siyaset, malümat ve alâqa naziri Sergey Zırânov ve Qırım parlamentiniñ mebusı Olga Vinogradova bulunğanı bildirile.
Oleg Daperko Bağçasarayda doğdı. O, Qırım ilhaqından evel "Çörnıye Vodı" suv devalama müessisesinde çalıştı, bundan ğayrı Bağçasaray rayon leyha ve analitika taqımınıñ başı vazifesini becere edi. 2014 senesinden 2015 senesinece Bağçasaray şeer şurasınıñ reis müavini olıp çalışa edi.
2015 senesinden başlap Bağçasaray şeer şurasınıñ reisi rutbesinde bulundı.
Daa evel, Yaltada yañı şeer şurasınıñ reisi saylanılğanı bildirile edi. Bu vazifeni Konstantin Şimanovskiy becere. Olesâ Haritonenko, ise Kezlev (Yevpatoriya) şeer şurasınıñ reisi olaraq saylanıldı. Keriçte rusiyeli şeer şuraşınıñ başı Maya Hujina oldı.
Sentâbr 8-inde Rusiye akimiyeti Qırım ve Aqyarda Qırım parlamenti ve yerli şuralarnıñ saylavlarını keçirdi.