Ukraina Yuqarı Radasınıñ deputatı İrına Ğeraşçenko («Avropa birdemligi» fraktsiyası) bildirgenine köre, Kremlniñ eski siyasiy mabüsi, qırımlı Volodımır Baluh alâ daa ağır alda.
"V. Baluh bulunğan hastahaneniñ ekimlerinden: Patsiyent ağır alda. Aqciger avalandıruvı cihazına bağlı, daa essiz". Yazıq ki, şimdilik böyle haberler", - yazdı Facebookta Geraşçenko.
Tünevin İrına Ğeraşçenko, Volodımır Baluh ameliyat olğanını ve reanimatsiyada bulunğanını bildirdi. Onıñ aytqanına köre, Baluhnıñ ağır bir qafa-miy yarası bar.
Baluh köteklengenini Oleg Sentsov haber etti. Onıñ malümatına köre, faal sentâbrniñ 7-nden 8-ne keçer gecesi köteklendi. Ağır alda hastahanege alındı – qolu ve köpürçik kemigi sındırıldı. Qırım.Aqiqat, Baluhnıñ nomerasına telefon etti, amma qadın cevap berdi. O, Sentsovnıñ malümatını tasdıqladı, amma özüni tanıtmadı.
İyünniñ 12-nde Kyivde faal Serğiy Sternenkonıñ sıñırlav tedbiri belgilengen mahkeme vaqtında politsiya hadimleri Volodımır Baluhqa qarşı küç qullandı