Kyivdeki AQŞ elçiligi Keriç köpründen Rusiye poyezdleriniñ yürmesine "Ukrainanıñ suverenitetine ürmetsizlik", dep ayttı. Bu diplomatik müessiseniñ Twitter yazısında bildirile.
"Bizim Ukraina ve başqa Avropa ortaqlarımız kibi, biz de Qırım ve Rusiye arasında Rusiye demiryol alâqasının açılmasını tenqit etemiz. Rusiyeniñ bu adımı Ukraina suvereniteti ve territorial bütünligine ürmetsizligini numayış ete", - denile beyanatta.
Як і наші українські та інші європейські партнери, ми засуджуємо запуск Росією залізничного сполучення між Росією та Кримом. Цей крок з боку Росії демонструє кричущу неповагу до суверенітету та територіальної цілісності України. #КримЦеУкраїна
— U.S. Embassy Kyiv (@USEmbassyKyiv) December 26, 2019
Daa evel Litvaniya ve Finlândiya da Ukrainağa qol tuttı. Vilnüs Keriç köpründen demiryol alâqasınıñ açılmasına halqara uquqnı bozulması dedi. Poloniya ve Romaniya tış işler nazirliklerinde ise kene bir kere Rusiyeniñ Qırım ilhaqını qabul etmeyler, dep bildirdiler.
Qırım vaqtınen qararnen saat 2:00 Sankt-Peterburgdan ilhaq etilgen Aqyarğa ketken "Tavriya" poyezdi Keriç köprüni ötti. Dekabr 25-inde saba saat 9:25 Aqyarnıñ demiryol vokzalına "Tavriya" rusiye passajir poyezdi kelip çıqtı. Dekabrniñ 26-sında Aqyar demiryol vokzalından poyezd Rusiyeniñ Sankt-Peterburg şeerine ketti.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.