Mayısnıñ 9-ında saba ilhaq etilgen Aqyar sakinleri kvartira pencerelerine ve podyezdlerniñ qapılarına Ekinci cian cenkinde iştirak etken soylarınıñ suretlerini qoydı ve tank üstünde muzıkalı hayırlavnı yaptı. Karantin yasaqlarına baqmadan, mayıs 9-ını qayd etmek içün şeer merkezine eki yüzge yaqın adam çıqtı, çoqusı maskasız edi, bildire Qırım.Aqiqat mühbiri.
Mühbirniñ aytqanına köre, şeer merkezinde ve Bolşaya Morskaya soqağında eski evniñ büyük balkonında sakinler cenkleşken soylarınıñ portretlerini astı ve özleri yanlarına oturdı.
Bundan ğayrı, bildirilgenine köre, saba sakinler qorantalarnen cenkte iştirak etken soylarınıñ suretlerinen yalı boyunı kezdi.
Your browser doesn’t support HTML5
После школы – в российскую армию? Дети и «культ войны» в Крыму
Mayısnın 9-ında "Ğalebe künü"niñ qayd etilmesi çerçivesinde Aqmescit sakinleri kvartiralarınıñ pencerelerine Ekinci cian cenkinde iştirak etken tuvganlarının suretlerini qoydı.
2020 senesinde koronavirus pandemiyasından sebep aktsiya teskilcileri bütün içtirakcilerge Ekimci cian cenkinde iştirak etken soylarınıñ başqace añmasını teklif etti. Böylece, adamlar pencere ya da balkonına Rusiye bayrağını tikledi ve cenkte iştirak etken soyunıñ suretini qoydı.
Aqmescitte mayıs 9-ında Gagarin parkında Ebediy meşal ögüne güldestelerni qoydılar ve cenk aqqında türkülerni yırladılar.
Keriçte mayısnıñ 9-ında koronavirus sebebinden "Ulu vatan cenkinde ğalebeniñ 75 yıllığına bağışlanğan" adiy parad yerine uçaq paradı keçti.
«День победы» в Крыму. Большой фоторепортаж (фотогалерея)
İlhaq etilgen Qırımda ve Aqyarda mayısnıñ 9-ında "Ğalebe künü" qayd etile.
Daa evel bildirilgeni kibi, ilkaq etilgen Qırımda mayısnıñ 9-ında koronavirus pandemiyasından sebep kütleviy tedbirler olmaycaq. Mayısnıñ 7-sinde Qırımda mayıs 9-ında keçirileck merasimlerniñ cedvelini ilân etiiler, olarnıñ çoqusı onlayn olacaq.
Aqyarda mayıs 9-ında koronavirus epidemiyasına baqmadan bir sıra merasimlerni keçirecekler. Hususan, gemi ve uçaqlarnıñ paradları olacaq.
Rusiye Mudafaa naziri Sergey Şoygu mayıs 9-ında bir sıra Rusiye şeerlerinde ve ilhaq etilgen Qırımda bayram salütlarnıñ patlatılmasını buyurdı.
Rusiye işğal etken Qırımda 2014 senesinden berli sovetlerniñ ve Rusiyeniñ «Ğalebe künü» Qızıl ordu ve sovet halqınıñ natsist Almaniyası üzerindeki ğalebe künü olaraq qayd etile. Ukrainada mayısnıñ 8-nde Hatıra ve barışuv künü qayd etile, mayısnıñ 9-ı ise – Ekinci cian cenkinde natsizmni yeñüv künü olaraq.