Aqmescitte isitüv mevsimini aprelniñ 27-sinde toqtatacaq olalar. Bu malümat Aqmescit ükümetinin saytında yerleştirildi.
"Aqmescit şeerinde 2019-2020 isitüv mevsiminiñ soñunı 2020 senesi aprelniñ 27-sine tayin etmek", - denile vesiqa metninde.
Şu kün çoq qatlı evlerde, şağlıq, tasil, içtimaiy ve medeniy müessiselerde isitüv toqtatılacaq.
Daa evel Aqmescit akimiyeti isitüv mevsimi aprelniñ 22-sinde bitecek dep bildirgen edi.
Amma Rusiye nezaretindeki Aqmescit akimiyeti ava suvunmasından sebep isitüv mevsimini uzatmağa qarar aldı.
Bu afta isitüv mevsiminiñ uzatılması aqqında qararnı Aqyarda da qabul ettiler.