Rusiye nezaretindeki Aqmescit akimiyeti ava suvunmasından sebebp isitüv mevsimini uzatmağa qarar aldı. Bunı şeer memuriyeti başınıñ müavini Anatoliy Rusin bildirdi.
"Gidrometeomerkeziniñ malümatına köre, yaqın künlerde orta ava arareti tüşecek. Bunıñ sebebinden isitüv mevsiminiñ toqtatılması aqqında qarar lâğu etildi. Çoq qatlı binalar ve içtimaiy obyektler evelkisi kibi isitilecek", - yaza memurnıñ sözlerinden memuriyetniñ matbuat hızmeti.
Rusin, Aqmescitte isitüv mevsiminiñ tarihı ava qızğan soñ tayin etilecegini bildirdi.
Bundan evel Aqmescit akimiyeti isitüv mevsimi aprelniñ 22-sinde bitecek dep bildirgen edi.
Bu afta isitüv mevsiminiñ uzatılması aqqında qararnı Aqyarda da qabul ettiler.
