Dört yıl evel Ukrayina Mudafaa quvetleri Herson şeerini sekiz ay devam etken Rusiye işğalinden soñ azat etti. İşğalden azat etilmesine baqmadan, Hersonda barışıq öyle de kelmedi: Dnipronıñ diger yalısında, şeerden bir qaç kilometr mesafede turğan Rusiye ordusınıñ yaqınlığı sebebinden, o, toqtamadan artileriya ve uçucısız uçaqlarnıñ atışları altında buluna. Azatlıq Radiosınıñ rus tilli seyircileri içün yaratılğan "Nastoyaşçeye Vremâ" televizion ve onlayn ağı, öz materialında Dnipronıñ aşağı yalısındaki şeerniñ bugün nasıl ayaqta qalmağa tırılqanı ve sakinleriniñ ümütleri aqqında tarif ete.
O künleri, 2022 senesi Boşta, şeer sakinleri Ukrayin arbiylerini közyaşlar ile qarşılap, olarğa çeçekler bağışlay ve soñsuz teşekkürler bildire ediler.
Your browser doesn’t support HTML5
Архивные кадры из Херсона: четыре года назад украинская армия освободила город после восьми месяцев российской оккупации
O künleri Herson merkezinde Azatlıq meydanında kütleviy yürüşler keçirildi.
Herson merkezinde insanlar şeerniñ Rusiye işğalinden azat etilüvine quvana, 2022 senesi Boşnıñ12-si
Bugün bu imkânsız. Şeer daima toqtamağan ateş altında buluna: İnternette Rusiye arbiyleriniñ sivillerge "dron safari"sini yaşatqanları, balalar ise pilotsız uçaq detektorlarınen yürmege mecbur olğanları aqqında onlarnen video körmek mümkün.
Bugün, işğalden azat etüvniñ dörtünci yılında, Herson bölgelerge bölüngen: qırmızı — telükeli, bu, yalı rayonları, sarı — yaşamaq nisbeten telükesiz olğan yerler.
Tam kölemli cenkten evel şeerde tahminen 300 biñ insan yaşay edi. Şimdi, farqlı tahminlerge köre, 60-80 biñ insan qaldı.
İşğalni başından keçirgen Herson sakinleri ne ile yaşay ve nege ümüt besley? Bu aqta "Nastoyaşçeye Vremâ" mühbiri tarif ete.
Your browser doesn’t support HTML5
Чем живут и на что надеются херсонцы, пережившие российскую оккупацию
Dmıtro Herson sakinini göñülli içtimaiy naqliyatqa oturtıp, hastahanege alıp kete, soñra nevbetteki yolcunı ala. Herson, Dmıtro içün — tuvğan ev, göñülli iş ise, şeerniñ bütün telükeli güzelligini köstermek içün bir imkân oldı. Dmıtro bloger oldı.
"Şeerniñ bir qısmını çekip, insanlarğa köstere bilem, dep tüşündim. Men yaptım, çektim ve video çoq baqıldı. Men de: "Ne içün olmasın?" — dep tüşündim.
Qısqa videolarda Dmıtro şeerni ögrenmek içün viktorinalar teşkil ete ve şeer sakinleriniñ çoqusı kirmekten qorqqan Herson rayonlarını da köstere.
"Mında yaşağan insanlar ya köçip kettiler, ya da daa telükesiz yerlerde yaşaylar, evlerine qaytıp olamaylar. Ve men olarğa yardım etem — şeerde ne olğanını kösterem. Bazı vaqıtları eglenceli videolar yarata edim. Çünki men insanlarnıñ şeñce olmasını isteyim, ve öz ruhiy vaziyetimni ve keyfimni yükseltmek içün", — dep ayta o.
Dmıtro göñülli ve bloger olaraq yapqan işi aqqında tarif ete
Dmıtro öz videolarını göñülli iş arasında çekip ala. Şeer işğalden azat etilgeninden dört yıl keçken soñ Hersonnı göñüllilersiz tasavur etmek zor.
Herson sakinleri göñülli ile qonuşa
"Eñ büyük halqara fondlarnıñ çoqusı, telükesizlik sebeplerinden, mında çalışıp olamay, bu yasaq. Onıñ içün Hersonda göñülliler de, cemaat teşkilâtları da insanlarğa yardım etken bazadır", — dep ayta "Postup deñişüv merkeziniñ" reberi İğor Tsurkan.
Yerli akimiyet göñülliler areketine qol tuta. Şeerde qalğan 80 biñ sakinni eñ zaruriy şeylernen temin etmek kerek olğanını añladılar.
Hersondaki tükân
Mında ayat devam ete: 2026 senesiniñ ilk altı ayı devamında Hersonda 91 bala doğdı.
Herson yerastı göñülliler merkezinde bala bağçası ve sport bölükleri quruldı.
Herson yerastı göñülliler merkezinde qurulğan bala bağçası
"Bizde, cenkte oğraşqan balalar bar. Olar keleler, ve bütün oyunları "bu uçqan dron, bu patlavlar" ola. Bizler evler quramız, olar ise olarnı yıqıp: "Bu bir uruluv", deyler. Bu balalar içün yahşı bir ruhiy vaziyet degil. Er şey yahşı olğanını, telükesiz olğanımıznı, bir şey uçmağanını añlatmağa tırışamız, bunı biraz unutmaları içün", — dep tarif etti bala bağçasınıñ hadimi.
Qomşu odada ruhiyatçı çalışa. Bu sene laf etmek istegenlerniñ sayısı arttı, dep ayta: "Küçlü atışlarğa baqmadan, insanlar bar. İnsanlar yaşay. Ve işanalar. Bir çoq adam qayttı".
"İnsanlarnıñ baqışları deñişe. Olar pek yorulğanlar. Olarnen körüşmek mümkün. Ve kettikçe olar ruhtan tüşeler, ve ya keteler, ya da evel yapqanlarını yapmaylar. Men böyle deyim: er şey yahşı olacaq! Men añlayım ki, vaziyet kün-künden daa da qıyınlaşmaqta, amma eger qollarıñıznı yımşatsañız, duşman bundan faydalanır. Ümüt etemiz ki, er şey yahşı olacaq", — dey Dmıtro.