Link açıqlığı

Saatnıñ esas haberi

Üç afta içinde ilk sefer Qırımda yañı COVID-19 hastaları qayd etilmedi – akimiyet


Qırımda iyünniñ 17-nden başlap ilk sefer yañı COVID-19 hastaları qayd etilmedi, dep bildirdi Qırımnıñ Rusiye yolbaşçısı Sergey Aksenov.

«Umumen bugünge qadar 761 yañı koronavirus hastası qayd etildi. 36-sı çetelden keldi, 95-i Rusiye subyektlerinden kelgenler ve olarnen alâqada olğanlar, 551 hasta tibbiy yardım içün muracaat etkende ve alâqada olğanlarnıñ talil neticelerine köre qayd etildi, 77 hasta sağlam insannıñ skriningi neticesinde belli oldı», – dep aytıla haberde.

Qırım akimiyetiniñ malümatına köre, keçken künü Qırımda yañı koronavirus yuqunçı talillerini yapqan laboratoriyalar 1223 insannı teşkerdi. 569 insan yahşı oldı. 31 kişi vefat etti (11-i COVID-19-dan).

Tünevin Qırımda 38 COVID-19 hastası qayd etildi.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG