Ömür arqadaşı - SİZOda, halq - yanında. Tevqif etilgen qırımtatar faaliniñ qızını loqsahaneden nasıl qarşılay ediler (süret toplamı)

Martnıñ 27-sinde ilhaq etilgen Qırımda kütleviy tintüvler vaqtında tutulğan ve qomşu Rusiyege alıp ketilgen qırımtatar Mecit Abdurahmanovnıñ Sülbiye qızı doğdı. Qızçıqnı ana-babası on dört yıl bekledi. Ondan ğayrı qorantada daa eki oğlan bala bar.

Abdurahmanovnıñ qadını Elmiranı loqsaganeden çıqarğan künü, mayısnıñ 4-ünde, onı qırımtatar faalleri ve göñülliler qarşılay edi.

Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Tevqif etilgen Remzi Bekirov, Riza İzetov, Ruslan Suleymanov, Farid Bazarov ve Şaban UmerovRusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla. Keççe Qırımnıñ Rusiye ombudsmeni Lüdmila Lubina Qırım.Aqiqatqa bildirgenine köre, Qırımda tevqif etilgen 23 qırımtatar faalini Rusiyege alıp ketkenler. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. (Süretler - "Qırım birdemligi")